Ma ewro, seweta tertele Kırmanciya, yani tertele sera 37-38- dar kerde na SEYİT RIZA, AĞLARUNE DERSİM; amey me te are, wame ke, uyo ke zalu mu mare zov zece mare, zulü men kerda, xo wira mekke rime,
Yino biareme ho wiri,
Zalu mu, harde Dewres wes na, zar’u dare ma rız nay, komme ma sanay ho wer, berdi Jara paçkınede, Dere Laç de, Çukure de, Gavene Mazger’de tede kır kerdi.
Mau cendege donanan ho, ewe herştine cimu ne ho süt. Ewe Leçekune ho , kefen kerdi,
Na zalu mu ma kır kerdi me, Cendege ma, tede kerdi Tij wera,
Komme ma, be gulwang, be mezele, şi haq dina,
Ew ro, serwa dinu, Cıla name ro, dinure minet kerim.
Ya haq, Ya Xızır’e roza tenge,
Ya Düzgün Bawa, riye ma, harde roye ma, serwa masumu ne paku, dara Xızır ‘deyim,
Dara Düzgün Baway derim.
Waire harde Dewres derime,
Ya Xızır ‘e saata tenge, niye ke mara bırıye ra, ame hızmeta to,
Tı dinure wairen bı ke,
Deste dinu, bize deste ho, sıfre hode meyman ke,
Ya waire harde osmen, çı xeta, guna dinu esta, tı cıre bewere,
Tı dınure çömerdiye bı ke, der dune dinure, derman ti ya,
Dırwetu ne dinure merhem ti ya,
Cad mara, himet to ra, keremiye mara, kerametiye to ra,
Ewe rama çömerdiye ho, ewe sawıre ho, eke xeta guna dinu esta, tı cıre bewere,
38- de zaf zulüm bi,
Dina ma sere kerde soja süre,
Pepuk damiş ne bi, roz wınet,
Ya waire çor dina,
Serwa xaturu ne Dewrese budelay,
Serwa xature naz kurwane komm,
Serwa xature Heniye pil, tı dinure wairen bı ke,
Ya haq, tı dinu tawiye, ra Hz. Xusen ke,
Tı dinu tawiye ra Pir Sultan ke,
Tı dinu tawiye ra ulu diwan ke, Ya Xızır
Hızmetiye mara, çömerdiye tora.
